Pieni poteri concessi dalla Credenza di Moncalieri a Manuele di Cavoretto per contrarre un (...)

Serie Generale 278 - Trascrizione a cura di Chiara Pilocane e Chiara Quaranta

 

(ST) Anno Domini millesimo CC LXVIII, indicione XI, in Monte Calerio, die IIII exeunte iulio. Dominus Nicholas de Bersatoribus, iudex comunis Montis Calerii, in pleno consilio dicti loci per campanam more solito congregato et ipsi consiliarii universi nomine discrepante eorum nomine et nomine et vice dicti comunis fecerunt, constituerunt et ordinaverunt eorum certium nuncium sindicum, autorem et procuratorem Manoellum de Cabureto ad plenam fidanciam recipiendam comuni et hominibus et rebus hominum Montis Calerii cum Willelmo de Amagnolio et suis cohaiutoribus et canal(…)bus recuperandam recipiendam et solvendam; tali modo quod dictus Manoel possit dictam fidanciam nomine supradicto recipere et pecunia recipere et generalius omnia facere quemadmadum[1] dictus iudex et consiliarii facere possent, ratum et firmum perpetua habitturos quicquid dictus Manoel in predictis et circa predicta duxerit faciendum, sub obligo omnium bonorum dicti comunis reletes ipsorm ab(…) satidacione et honore satisdandi et pro eo Manoello pri(nci)paliter fide iusserint consiliarii supradicti; qui mutuo, nove constitucione et omni legum auxilio quantitas pecunie debet esse librarum XXIIII viannensium supertitione et pro eo comune Montis Calerii illis de Cavagnolio pacem et finem faciendam.

Testes ibi fuerunt rogati Cauda de Busca, Stefanus de Archinboldo et Marcus In(i)cus.

Ego Matheus Piperarius notarius hiis interfui et hanc cartam rogatus scripsi.