Quitanza di lire 4 viennesi rilasciata da Guido Cero a favore di Pietro Castaneo, massaro (...)

Serie Generale 277 - Trascrizione a cura di Chiara Pilocane e Chiara Quaranta

 

(ST) Anno Domini millesimo ducentesimo LXVII, indicione X, in Monte Calerio, die sabati V in novembri. Confessus fuit Vido cui dicitur Erro de Cario procurator Iacobi Vigoni de Cario prout apparet per instrumentum factum per Matheum Piperarium notarium curie in eo M ducentesimo LXVI, indicione VIIII, in Monte Calerio, die lune XV intrante februario, se habuisse et recepisse a Petro Castaneo massario molendinorum Montis Calerii de multura molendinorum Montis Calerii pro debito seu debitis quod comune dare tenebatur predicto Iacobo; quos denarios dictus Petrus solvit predicto Vidoni nomine dicti comunis libras IIII bonorum viannensium, renunciando exceptioni non numerate pecunie et non recepte et usque in quantitatem predictam tenuit se tacitum et contentum nomine et vice predicti Iacobi Vigoni, sub obligacione omnium bonorum suorum, dapnorum et expensarum restitucione, renunciando omni placito et omni legum ausilio. Testes ibi fuerunt vocati et rogati Robaldinus Clinintus et Villelmus de Preposito.

Et ego Iacobus Vayrolius notarius sacri pallacii interfui rogatus et hanc cartam scripsi.