Mutuo di 44 lire astesi dato da Giacomo Rosignolo, di Chieri, a favore del Comune , (...)

Serie Generale 274 - Trascrizione a cura di Chiara Pilocane e Chiara Quaranta

 

(ST) Anno Domini millesimo CCLXVI, inditione VIIII, in Monte Calerio, die veneris X in decembri. Confessi fuerunt quilibet eorum in solidum dominus Willelmus Vasco et Henricus de Gilio et Iacobus Vasconus et Iohannes de Bulguero, omnes de Monte Calerio, se mutuo accepisse a Iacobo Rosignolo de Cario libras XLIIII bonorum astenxium, renunciando exceptioni non recepte et non numerate pecunie [et] spey future numerationis; quos denarios dicti debitores promiserunt dare et solvere ipsi creditori vel suo certo misso usque ad quinque menses proxime venturos; et si tunc non solverint, promiserunt ei dare, nomine pene et pro pena, denarios V pro unaqua(que) libra et mense donec eos tenuerint termino in antea quam penam dictus Iacobus posit petere et exigere sicut predictum debitum non obstante ex auctoritate pene nec modo, et promiserunt debitores ipsi creditori restituere omne mutuum et expensas, dapnum et interesse quod et quas termino in antea dictus creditor pro dictis denariis exigendis seu recuperandis fecerit mutuando, placitando, usuras alteri dando, eundo, redeundo seu quolibet alio modo, credendo ei inde in suo verbo sine testibus seu sacramento et inde obligaverunt ei pignori omnia bona sua qua sibi magis placuerint donec, ut supra dicitur, plenam et integram habeat solucionem. Ita quod usque contarium conveniri posint, renunciando inde dicti debitores omni placito et nove constitutionibus qua dicitur quod ne quis ex reis contraveniatur in solidum donec alter presens fuerit et solvendo et renunciando fori privilegio et quod aliquod statutum factum in Monte Calerio non posset nocere ipsi Iacobo et omni alii legum auxilio. Et hoc instrumentum posit meliorari, refici et emendari quocienscumque necexario fuerit conscilio unius sapientis, salva contractus substantia. Testes ibi fuerunt vocati Willelmus de Camino, Willelmus filius Iacobi Fabri et Panzetus Daygabella et Perotus de Ripolis clericus. Ego Iacobus de Rocolis notarius sacri palacii interfui rogatus et scripsi.