Quitanza di soldi 21 e denari viennesi 7 rilasciata da Guglielmo del fu Gribaldo Balbo a (...)

Serie Generale 268 - Trascrizione a cura di Chiara Pilocane e Chiara Quaranta

 

(S. T.) Anno Domini millesimo CCLXIIII^or indicione XII, in Monte Calerio die dominica XIIII in decembri. Confessi fuerunt quilibet eorum pro parte Willelmus, filius condam domini Gribaldi Balbi, pro se et fratribus, et Iacobus Ratus similiter recipienti pro se et fratribus suis, sese habuisse et recepisse a Maynfredus Truna, massario molandinorum comunis Montis Callerii dando et solvendo nomine et vice ipsius comunis, pro debito quod dictum comune eis tenetur solidos XXI et denarios VII et obolum I bonorum viannensium, renunciando exceptioni non recepte et numerate pecunie et promisserunt sese de cetero stare tacitos et contentos et quod non inquietabunt dictum comune a dictis denariis per sese nec per aliquas sumissas personas sub obligacione omnium eorum bonorum, renunciando omni placito et omni legum auxilio. Et hoc instrumentum possit meliorari ad conscilium unius sapientis.

Testes ibi fuerunt vocati et rogati Henricus Zara et Villelmus de Cellus.

Et ego Willelmus Longus, sacri palacii notarius, interfui at hanc cartam rogatus scripsi.