Mutuo di lire 21 e 10 segusini dato da Merlone Bersatore a favore del Comune di Moncalieri (...)

Serie Generale 263 - Trascrizione a cura di Chiara Pilocane e Chiara Quaranta

 

(ST) Anno Domini millesimo CCLXIIIIor, indicione XII, die prima februarii, in Pinarolio, presentibus Aymario de Bacairaxio, Nicholao de Lasala, Cocio Caligario, Aymario filio Aymoneti testibus ad hoc vocatis. Confessi fuerunt in solidum dominus Oto de Fulgere et Ardicio filius condam domini Iohannis Vasconis de Monte Calerio se mutuo habuisse et recepisse a domino Merlone de Bersatore libras XXI et solidos X secusinorum bonoroum, renunciando exceptione non accepte pecunie et non numerate et novis costitutionibus de pluribus reis et epistule divi Driani  et fori privilegio et omni legum auxilio, tali modo quod usque eos contravenire possit; quos denarios in solidum eidem creditori per stipulacionem dare et solvere promiserunt in Pinarolio usque ad octabas Sancti Michelis proximas, omni restitucione ei dapnorum, mutui expensarum et interesse quo et quas dictus creditor aliquo modo propter hoc fecerit et habuerit pro hoc debito petendo et exigendo, credendo ei in suo verbo sine testibus et sacramento, obligantes ei in solidum pignori omnia sua bona, dantes ei ambo licenciam sua auctoritate eorum pignora capiendi et ad suam voluntatem inpune distrahendi, promitendo insuper dictus dominus Oto se facturum et curaturum quod eius filii Merletus et Percevallus hec omnia facient et adtendent sicut ipse insuper dictus Ardicio promisit generaliter se facturum et curaturum quod eius frater Willelmus Vasconus hec laudabit et observabit omnia et adtendet sicut ipse sub ypoteca omnium bonorum suorum, insuper fuit confessus dictus Ardicio hec mutuum pro se et ad opus sui fore factum quod promixit solvere et eum dominum Otonem indempnem inde penitus conservare sub ypoteca omnium bonorum suorum. Et sic iuraverunt ambo dicti debitores tactis corporaliter sacrosanctis evangeliis adtendere bona fide.

Et ego Villelmus notarius interfui et hanc cartam rogatus scripsi.