In Moncalieri, Giacomo Rato, a nome suo, del fratello Rufino, e di Guglielmo fu Gribaldo (...)

Serie Generale 254 - Trascrizione a cura di Chiara Pilocane e Chiara Quaranta

 

(ST) Anno Domini millesimo CCLXIII, indicione XI, in Monte Calerio, die lune XVI, in iunio. Iacobus Ratus, suo nomine et fratris sui Ruffini, et Willelmus filius condam domini Gribaldi Balbi, suo nomine et fratrum suorum Ardicionis et Anselmi, et Karlo Bretonus, omnes de Cario, fuerunt confessi et contenti sese habuisse et recepisse a massariis molandinorum Montis Calerii silicet a Willelmo Marco, Oberto Falavischa, Gorio de Romano, Bertino Vitorio, et icterum a dicto Gorio de alia massario et Apprili Longo, nomine et vice comunis Montis Calerii, pro debito quo eis dare debebat dictum comune, de quibus debitis sese compromisserunt in Bertolinum de Ruviliasco libras LXXXV, solidos XIII et denarium I bonorum viannensium et usque in dictam quantitatem promisserunt de cetero stare tacitos et quietos, sub obligacione omnium bonorum suorum. Et omnia instrumenta inde facta usque in dictam quantitatem sciunt et permaneant de cetero cassa et inutilia verssus dictum comune, tali modo quod omnia instrumenta que fecissent hinc retro de confessione solucionis sciunt cassa et inutilia quia sunt posita et computata in isto instrumento.

Testes ibi fuerunt rogati dominus Carbonus Merlo, Berinus Nuncius et Gorius de Romano.

Ego Iohannes Piperarius, notarius sacri palacii, hanc cartam habreviatam per manuum Mathey Piperari notarii, qui nunc permanet ultra montes et eam adimpleri non potuit, de consenssu et voluntate tocius conscilii Montis Calerii vel maioris partis et precepto domini Francissi de Brenicio, iudicis dicti loci qui sua autoritate interpossuit, et de certum tradidi et complevi.