In Moncalieri, Ferrando di Susa, abitante in Pinerolo, dà in mutuo 110 lire di segusini (...)

Serie Generale 248 - Trascrizione a cura di Luca Patria

 (ST) Anno Domini millesimo .CCLVII., inditione prima, in Montecalerio, die lune .XIIII. kalendas septembris.

Fuerunt confessi quisque eorum in solidum Iohannes Vasconus de Montecalerio et filii sui Villelmus et Ardicio et Iordanus Piperarius se dare debere Peroneto Ferando de Secusia habitatori Pinarolii libras centum et decem bonorum secusiensium novorum vel viannensium precio panni empti ab eo, renunciando exceptioni non recepti et non mensurati panni, quos denarios ei vel suo certo misso per stipulationem in Montecalerio solvere promiserunt usque ad festum Natalis proxime venturum, cum omni mutuo, dampno et expensis inde factis vel habitis a dicto creditore pro predictis denariis exigendis et recuperandis placito, mutuo, eundo et redeundo seu quolibet alio modo suum expendendo, credendo ei inde in suo verbo sine omni proba et sacramento. Et inde obligaverunt ei pignori omnia eorum bona que sibi magis placuerint usque ad plenam ut superius legitur solucionem, renunciando omni placito, nove constitutioni de pluribus reis debendi et omnibus legum auxiliis.

Testes ibi fuerunt rogati: Ubertus Falavisca, Ardicio de Peracio, Francisius filius Uberti Marcoaldi.

Et ego Bergundius Saccus notarius hanc cartam rogatus scripsi.