In Moncalieri, Ferrando di Susa, abitante in Pinerolo, dà in mutuo 70 lire di segusini (...)

Serie Generale 247 - Trascrizione a cura di Luca Patria

 

(ST) Anno Domini millesimo .CCLVII., inditione prima, in Montecalerio, die lune .XIIII. kalendas septembris.

Fuerunt confessi quisque eorum in solidum Iordanus Piperarius et Iohannes Vasconus de Montecalerio se dare debere Peroneto Ferando de Secusia habitatori Pinarolii libras .LXXXX. bonorum secusiensium novorum vel viannensium precio et mercati panni empti ab eo, renunciando exceptioni non recepti et non mensurati panni, quos denarios ei vel suo certo misso per stipulationem in Montecalerio solvere promiserunt usque ad Carnislevatum proxime venturum, cum omni mutuo, dampno et expensis inde factis vel habitis a dicto creditore pro predictis denariis exigendis et recuperandis placito, mutuo, eundo et redeundo seu quolibet alio modo suum expendendo, credendo ei inde in suo verbo sine omni proba et sacramento. Et inde obligaverunt ei pignori omnia sua bona que sibi magis placuerint usque ad plenam ut superius legitur solucionem, renunciando omni placito, nove constitutioni de pluribus reis debendi et omnibus legum auxiliis.

Testes ibi fuerunt rogati: Iohannes de Valfredo, Bernardus Rallerius et Gorius de Romano.

Et ego Bergundius Saccus notarius hanc cartam rogatus scripsi.