In Moncalieri, il giudice Bernerio Pistoni riconosce un debito comunale di 24 soldi verso (...)

Serie Generale 246 - Trascrizione a cura di Luca Patria

 

(ST) Anno Domini millesimo .CCLVII., inditione .XV., in porticu comunis, die mercurii .XVII., intrante ianuario.

Confessus fuit dominus Bernerius de Pistoribus, iudex comunis Montiscalerii, se debere dare nomine dicti comunis voluntate et conscilio credencie dicti loci per campanam congregate more solito nemine contradicente Arnaudo Vaite solidos .XXXV. secusiensium pro servicio quatuor mensium et dimidii quod fecit dicto comuni cum trumbis ipse et filius eius Mattorglus tempore potestarie domini Iacobi de Selberico potestatis tunc dicti comunis, quos denarios ei vel suo certo misso nomine dicti comunis per stipulationem solvere promisit et si eum invito solvere distulerit mutuum et expensas quod et quas inde fecerit nomine dicti comunis restituere promisit omnia bona dicti comunis pignori obligando inde ei Arnaudo, renunciando omni placito et omni iuri per quod ipse iudex vel alii sucessores eius stantis in regimine dicti loci posset contravenire.

Testes ibi fuerunt rogati: Mainfredus Platus, Iacobus de Cario nuncius comunis.

Ego Paulus Punçillonus notarius interfui rogatus et hanc cartam scripsi.