In Moncalieri, rogato Nicolo' Pansiglione notaio, Giordano Fabbro, volendo prevenire le (...)

Serie Generale 245 - Trascrizione a cura di Luca Patria

(ST) Anno Domini millesimo .CCLVI.,inditione .XIIII., in Montecalerio, die iovis tercio exeunte setembri.

Cum multi casus etiam repentini incidant mortalibus quibus preventi et preocupati funere rerum suarum disposicionem non faciunt ut deceret, id circo Iordanus Faber diem huius vite labentis et extremum cupiens prevenire res suas sic statuit per testamentum nuncupativum ne posteris pateat copia seu materia litigandi in primis instituit heredem suum nepotem suum Iohanninum de Podio filium Sicilie filie sue ipsius Iordani in omnibus bonis suis, videlicet in quadam domo cum solo et pertinentiis iacentis in Muntecalerio in quarterio Porte Melanese cum fuxina ferrarie et tota vasa et asiamentis intus, cui coheret filii Iacobi de Castronovo fabris condam et via ex duabus partibus. Item in una pecia vinee dicta unum cent iacentis ibi ubi dicitur in Cavineto cui ciheret Petrus de Ruata, Ospinellus de Valle et via, de qua vinea relinquit fratri suo Oberto Fabro medietatem ex qua parte voluerit dictus Iohanninus. Item in tribus costarenchis terre iacentibus ubi dicitur ad Croxetam[1] cui coherent Perotus Palea et Petrus Cornetus. Item in una iornata terre iacentis iacentis in Boçolis cui coheret Paterii et humeliati. Item in duabus iornatis inter terram et boscum iacentis ibi ubi dicitur ad Devesium cui coheret Iacobus binellus ex duabus partibus et heredes Iordani Longi. Item in uno cent bosci iacentis in Ruvignano ibi ubi dicitur in Merdea cui coheret Auricula de Rocolis et Iacobus de Candiolio. Item in uno orto dicto tabulas .XII.terre[2] iacentis in Fravoxio cui coheret Iacobus Cestonus et Iacomellus Hondeus et via. Item in uno curtile terre iacentis in ruata Cellarum cui coheret[3] Coherdi et fossatum veterum et via. Item in peciola una terre gerbe iacentis ibi ubi dicitur ad Fontem Ripalte cui coheret Garninus Marchoaldus pro uxore et heredes Moti de Classo et via et si plus inveneretur in dicta hereditate plus esset et si alie sint coherencie predictis possessionibus permaneant. Item relinquit comuniter ipsi Iohannino et matris sue dicte Sicilie filie sue ipsius Iordani tabulam unam terre cum coperticio et pertinentiis iacentis in carterio Porte Melanese cui coheret Petrus de Aiga et via. Item tinam unam et carale unum quod dicitur tabulas .XII. terre iacentis in Fravoxio cui coheret Vercellus Galdinus et Petrus Richelmus et via et si alie sint permaneant ita tamen quod dicta Sicilia ibi presens, consenciens et voluntate et precepto Romei Saxi mariti sui ibi presentis absolvit hereditatem patris sui Iordani fabris pro se et heredibus suis dicto Iohannino Filio suo et heredibus suis et ita tamen quod dictus Iohanninus ibi presens per se et heredes suos absolvit ipsi Sicilie mater sue recipienti suo nomine et heredum suorum descendentium ab dicto Romeo marito suo et nomine ipsius Romei omnia que tenet et posidet videlicet quamdam domum cum solo et pertinentiis iacentis in carterio Porte Melanese et cum vasa et asiamentis intus cui cogheret filii[4] Laurençeti condam et via ex duabus partibus. Item peciam unam terre et vinee dictam iornatas .IIII. sivee plus fuerit iacentis ibi ubi dicitur ad Podium coheret Gavarrus notarius, Ubertus Malberga et via seu roca. Item peciam unam terre iacentis ab alia parte ipsius vie cui coheret Grosii et via et Philipus pro uxore filia Odini Buirolii condam. Item costarencam unam terre iacentis ibi ubi dicitur in Serra sive plus, cui coheret Iacobus Gavarronus et heredes Vidonis de Biaia et via ex duabus partibus. Item Peciam unam prati dictam .CCCC. sive plus ve minus iacentis ibi ubi dicitur in runco cui coheret Vagnoni et Turinus de mondoni et riana Runchi. Item peciam unam bosci dictam .CCC. iacentis in Ruvignano ibi ubi dicitur ad Devesium cui coheret filii Valfredi Corde condam et Odinus Corda et Bonafanti. Item relinquit dicte Sicilie filie sue pro restitutione et solutione dotis matris sue condam Vigle peciam unam terre dictam plus et minus iornate iacentis in Ruvignano ibi ubi dicitur ad Devesium cui coheret Bonus Iohannes baber et Iohannes Punçillonus et Odinus Richelmus et si alie sint coherentie predictis possessionibus permaneat et dicta Sicilia promisit dicto Iohannino ei[5] redere instrumentum dotis matris sue condam Vigle cassum si poterit eum habere et invenire sive redat sive non redat hodi ad modo in antea cassum et inutile sit et nullam de cetero habeat valorem. Item relinquit Agnexine nepte sue filie dicte Sicilie solidos .XX., que predicta statuta[6], ordinamenta seu relicta ut suprascripta dicta Sicilia consensu et precepto Romei Saxi maritis sui[7] ibi presentis promisit dicto Iohannino filio suo firma tenere et non contravenire per se neque per aliam submissam personam et inde fecit pacem et finem et omnimodam absolutionem ipsi Iohannino pro se et heredibus suis recipienti et inde iuravit ad sancta Dei euvangelia in presentia Vidonis magistri et Restagni fabris et dictus Iohannes per se suosque heredes promisit dicte Sicilie matri sue recipienti suo nomine et filiorum suorum suorum descendentium[8] a dicto Romeo marito suo et ipsius Romei predicta statuta, ordinamenta seu relicta ut supra scripta adtendere et observare et non contravenire per se neque per aliam submissam personam et inde fecit pacem et finem et omnimodam absolutionem ipsi Sicilie matri sue et dicto nomine in presentia dictorum Vidonis Magistri et Restagni fabris testium rogatorum ad hoc pro una parte et alia et inde iuravit ad sancta Dei euvangelia et istud instrumentum possit fieri refici et emendari cum conscilio sapientis si necesse fuerit[9]. Et hoc voluit dictus Iordanus faber sua ultima voluntate que valeat iure testamenti nuncupativi, iure codicillorum, iure donationis causa mortis et omni alio iure pro quo melius valere posset et istud instrumentum possit fieri reffici et meliorari cum conscilio sapientis si necesse fuerit.

Testes ibi fuerunt rogati:Arditio Botius, Ferretus Punçillonus, Odonus Romagnanus, Obertinus murator, Restagnus faber, Villelmus filius Pragelati et Iacobus Grossus.

Ego Nicholaus Punçillonus notarius sacri palacii interfui rogatus et hanc cartam scripsi.