In Moncalieri, il Comune, in persona dei chiavari Guglielmo Marco e Manfredo Merlone, si (...)

Serie Generale 243 - Trascrizione a cura di Luca Patria

 

(ST) Anno Domini millesimo .CCLV., indicione .XIII., in Montecalerio, die lune .VIII. kalendas novembris.

Villelmus Marcoaldus et Maynfredus de Merlone, clavarii comunis Montiscalerii, nomine ipsius comunis de consensu et voluntate tocius credencie eiusdem loci ad sonum campane more solito congregate et ipsa credencia omnes hore ad hos interrogati nomine dicti comunis promisserunt Raymondino filio domini Villelmi Alexandri et Raymondino Loyre procuratori eiusdem[1] Villelmi pro ipso in solidum stipulantibus dare et solvere in pace usque ad unum anum proximum libras .XI. et mediam secusiensium bonorum quos confessi sunt sibi debere dare pro sufra et expenxis unius debiti librarum .LXIIII. que remanserant ad solvendum dicto Villelmo ex duobus debitis que ei debebantur ut aparet per publicum instrumentum factum per Paulinum Punçilonum notarium ex quibus debitis duo sunt instrumenta, unum librarum .CXVIIII. factum per Bonumiohannem Silvestrum notarium currente in eo millesimo .CCXLIIII., indicione .VII., aliud per Henrionum de Valfredo notarium currente in eo millesimo .CCLI., indicione .VIIII. et post terminum promisserunt ei restituere omnia dampna et expensas, mutuum et interesse, obligando ei pignori omnia bona dicti comunis, renunciando exceptioni non debite pecunie et exceptioni in factum et doli et omni legum auxilio, salvo iure dicti comunis si reperiretur quam plus esset solutum de debitis supradictis et salvo iure dictorum creditorum et patris predicti super expensis olim factis si de eis ostenderent instrumentum vel probacionem facerent competentem et hoc instrumentum possit fieri, refici et emendari quociens opus fuerit ad conscilium sapientis non mutando substanciam contractus.

Testes ibi fuerunt rogati: Iacobus Vairolius, Manoel de Cabureto et Manoel de Sepunico.

Ego Matheus Piperarius notarius sacri palacii hanc cartam rogatus scripsi.