In Moncalieri, Guidetto, figlio di Rosso Montafia, a nome suo e del fratello Bonifacio, (...)

Serie Generale 242 - Trascrizione a cura di Luca Patria

 

(ST) Anno dominice nativitatis millesimo ducentesimo .LV., die lune .XIII. intrante septembri, indicione .XIII.

Confessi fuerunt quilibet illorum in solidum ita ut ubique terrarum conveniri possit, renunciantes nove constitutioni qua dicitur quod ne quis ex reis in solidum conveniatur donec alter fuerit presens et solvendo, Iohannes Vasconus et Peracius de Romano ambo de Montecalerio se mutuo recepisse a Guideto filio domini Rubi de Montafia suo nomine et fratris sui Bonifacii recipienti libras .XXXV. et solidos .XV. bonorum imperialium, silicet duo boni meçani pro uno imperiali, renunciantes exceptioni non numerate pecunie, quos denarios ei dicto nomine vel suo certo misso per stipulationem solvere promiserunt in pace usque ad quinque menses proximos venientes in ea forcia et valore qua nunc sunt. Et si non solverint ad terminum supradictum promiserunt ei dicto nomine per stipulationem dare pro pena et nomine pene denarios .IIII. eiusdem monete pro una quaque libra et pro quolibet mense dum eos tenuerint post terminum et si eo mutuo solvere distulerint omnes expensas, dampnum, interesse et missiones quas et quod dictus Guidetus vel frater vel eorum certus missus fecerint vel habuerint termino preterito placito, mutuo, cambio, usuras alteri dando vel convertendo, eundo et redeundo vel aliquo alio modo dispendium faciendo pro predictis denariis exigendis et recuperandis dicti debitores promiserunt ei dicto nomine per stipulationem totum restituere et inde ei credere de omnibus expensis, dampnis et interesse sine teste et sacramento, obligantes ei pignori omnia eorum bona que nunc habent vel habituri sunt, omni placito et privilegio et capitulo et omni legum auxilio renunciantes et si hoc non sufficeret preceperunt michi infra scripto notario quod meliorantur ad conscilium unius vel plurium sapientum.

(ST) Actum est hoc in Montecalerio in porticu domine Badie. Et interfuerunt testes rogati: Iacobinus de Armello, Iacobinus serviens domini Ottonis de Fulçero, Iacobinus de Henrione de Furficis.

Et ego Henrionus Valfredi notarius sacri palacii vocatus fui et hanc cartam scripsi.