Lettera di Carlo di Drua, podestà di Chieri, diretta ai quattro consoli di Moncalieri, e (...)

Serie Generale 241 - Trascrizione a cura di Luca Patria

 

(ST) Anno Domini millesimo ducentesimo .LIIII., indictione .XII., in Cario, sabbati .XV. mensis augusti, presentibus testibus infrascriptis.

Viris nobilibus et discretis consulibus Montiscalerii, scilicet domino Iacobo de Troffarello, Martino de Tondonico, Garronino et Vitelmo Granerio, quamplurimum honorandis nec non eiusdem terre comuni et sapientibus universis. Sarlo de Drua potestas Carii salutem et de bono in melius augmentari.

Instrumentum vestrum a nostra providencia nobis pro vestro regimine delegatum ylariter recepimus sicut decet, quo quidem diligenter inspecto sic vobis iocundo animo et voluntate tocius credencie Carii in ecclesiam Sancti Villelmi per campanam more solito congregate per presens instrumentum breviter duximus respondendum, videlicet quod potestariam vestram atque regimen secundum tenorem instrumenti vestri nobis delegati recepimus in nomine Iesu Christi. Nos et comune Carii firmiter cognoscentes quod vos predictam nostram electionem fecistis nobis et comuni Carii tamquam amicis specialibus, honorem et gratiam conferentes, de quo quidem ex parte nostra et amicorum nostrorum et comunis Carii gratias in quantum possumus refferimus copiosas.

Interfuerunt rogati:Vercellus Graseverdus, Iacobinus Maniuapanis, Anrionus Mestralis et plures alii testes.

Ego Petrus Francigena notarius interfui rogatus et precepto suprascripte potestatis scripsi.