Da Asti, Presbitero de Fonte scrive lettera agli elettori del podestà con la quale (...)

Serie Generale 229 - Trascrizione a cura di Luca Patria

 

(ST) Anno[1] Domini millesimo ducentesimo quinquagesimo tercio, indicione .XI., die veneris .XVIIII. intrante iulii.

Presentia infra scriptorum testium Presbiter de Fonte viris nobilibus et discreptis Guitelmo Granerio, Pisi de Trofarello, Gerbio de Romano, Bergondio Sacco, Alberono Marquoaldi, iacobo Vascono, Guillelmo de Valle et Francino de Castro salutem et consilio et universis hominibus et comuni Montiscalerii salutem et amorem debitum et sincerum.

Visis literis vestris in quibus continetur vos me in vestrum potestatem elegisse evax in Domino de tanto[2] honore et tanta gratia nichi a vobis lata meus animus plurimum conculcavit et vobis de tanto honore et amore gratos refero copiosas. Verumtamen quia non possem vos servire pro illo salario quod michi mandatis et in vestra cartula continetur ita quod esset meus honor et meum comodum et honor et comodum vestri comunis sicut meam personam et vestram honorabilem comunitatem deceret. Ideo vestri sapientie duxi per presentem cartulam intimandum quatinus vestram potestariam et regimen vestrum nolo recipere taliter[3] neque possem.

Actum Ast in via publica ante domum Uberti Bertrami.

Interfuerunt testes ad hoc vocati et rogati: Bonefacius Bertaldus, Florentinus de Tuscana et dominus Rolfus de Placentia.

Et ego Iacobus Arnaldus notarius palatinus interfui et precepto supradicti domini Presbiteri in presentia fratris Pelegrini de Casellis preceptoris mansionis Templi Montiscalerii sic scripsi.