Da Asti, Corrado Pulsavino scrive lettera agli elettori del podestà di Moncalieri, in cui (...)

Serie Generale 228 - Trascrizione a cura di Luca Patria

 

(ST) Anno Domini millesimo .CCLIII., indicione .XI., die mercurii .XVI°. intrante iulii.

Nobilibus viris Guitelmino Granerio, Pixio de Troffarello, Gorio de Romano, Bergondio Sacho, Alberiono Marchoaldo, Iacobo Vascono, guillelmo de Valle et Laffrancho de Castro. Conradus Pulsavinus eorum amicus se ipsum totum et quicquid potest servicii et honoris nobilitatis et prudencie nostre litteras continentes informatus publici instrumenti quod nos quamquam in meritos iterato ad vestrum regimen elegistis, debita reverentia suscepimus et honore earumque continentia intelleximus diligenter. Quibus providencie vestre ex nimia cordis affectione duximus respondendum quod si adesset nobis serviendi comuni vestro possibilitas et conditio ut voluntas ad vestrum veniremus servitium illanter et gratanter locis precentis Lombardie non obliti set ad plenam memoriam reducentes quantum hactenus personam nostram honorare curastis semper honorem honoris et gratiam gratie commulans pro quibus nos et omnes de hospitio nostro ceterique amici nostri ad vestri comunis obsequia sumus et erimus im perpetuum obligati, verum quia non solum pro nobis set etiam pro amicis nunc sumus variis et arduis negotiis prepediti quibus comode resisti non posset electioni vestre non possumus consentire. Imo pocius licet invicti animo repudiamus eidem, industriam vestram affectuosius deprecantes quatenus nos excusatis habere dignemur in hac parte, nam vobis pro presenti et pro preteritis honoribus nobis collatis quantarum possumus gratiarum reddimus actiones, scientibus quod ad servicia vestra tam comunitatis quam singularum personarum nos perpetuo promptissimos et paratos iusta vestre beneplacitum voluntatis.

Actum Ast, in porticu Pulsavinorum.

Testes: Guillelmus Revecolius, Bertholomeus de Strada, Iacobus Gavinellus.

Et ego Henricus Fornarius notarius palatinus interfui et sic scripsi.