In Moncalieri, la Credenza, avendo ricevuto 10 lire da Federico di Calpice, gli concede per (...)

Serie Generale 223 - Trascrizione a cura di Luca Patria

 

(ST) Anno Domini millesimo .CCLII., indicione .X., die mercurii .XXIII. mensis octubris, presentibus testibus infrascriptis.

Dominus Daniel potestas Montiscalerii in plena credencia more solito collecta per campanam de conscilio et voluntate credentiariorum et ipsi credenciarii nomine et a parte comunis et ad utilitatem dicti comunis dederunt et concesserunt atque vendiderunt prout melius possunt Frederico de Calpice ludos omnes generaliter sine tabulis et scachis et omnem questum ludorum et taxillorum et burrianarum et baxaçarum in Montecalerio usque ad unum annum[1] tali pacto quod ipse Fredericus per se et per alios quos voluerit et concesserit possit exercere ludos et baxacas ad açarium vel alio modo quolibet ludo sine pena statuti quod loquitur de ludis dum tamen ludus fiat palam et non secreto vel in adsconso et quod nulli alii persone dictus potestas vel credencia concedere possit nec debeat infra dictum tempus nisi de voluntate dicti Frederici predictos ludos vel exercicium ludorum. Immo si aliqua persona ludetur nisi ad ludum concessum dicto Frederico teneatur potestas capere bannum ordinatum in capitulo Montiscalerii et de ipso banno dare et solvere quartam partem dicto Frederico et acusatores ponere dictorum ludorum quos et quot voluerit dictus Fredericus. Item quod potestas teneatur facere rationem eidem Frederico et ipsis qui pro ipso exercerent ludum de omni muctuo facto ad ludum et dampno dato non obstante capitulo vel lege aliqua, hoc adito quod predictos ludos possit exercere per se vel per alium infra istos confines, videlicet a domo filiorum Iohannis Marchoaldi condam usque ad Portam Melanesam ex utraque parte vie et sub porticubus vel extra et in porticubus omnium butearum vel aliarum domorum que sunt infra dictos confines, pro qua concessione confessi fuerunt se habuisse et recepisse libras .X. et in recepto Vidonis de Episcopo positas esse ad utilitatem comunis et cetera et possit dictari et meliorari.

Testes ibi fuerunt rogati: Vercellus canis, Manuel de Caburreto et Gorius de Romano et Simeon Sacus.

Ego Nicholaus Punçillonus notarius sacri palacii interfui rogatus et hanc cartam scripsi.