Due ordinati della Credenza di Moncalieri in cui si delibera sull'istanza del podestà Daniele de Solario (...)

Serie Generale 222a -Trascrizione a cura di Luca Patria

 

(ST) Anno Domini millesimo .CCLII., inditione .X., die dominico terciodecimo mensis octubris in conscilio congregato more solito per campanam pulsatam et etiam cridatum conscilium per Terra Montiscalerii per Vercellinum mandaerium comunis.

Dominus Gabriel de Pestonaga, iudex et assessor domini Daniellis de Solario tunc potestatis Montiscalerii, in ipso conscilio inter cetera que proposuit et requisivit, proposuit et requisivit quod placebat eis de conscilio ut faceret seu fieret pro dicto comuni super facto dicti domini Daniellis potestatis qui fuerit captus per berruarios in servicio equitando pro comuni Montiscalerii de redemptione[1] quam ipse fecit a berruariis qui eum ceperunt, videlicet quia ipse re redemit sexcentum librarum imperialium et de armaturis suis omnibus amissis et de omnibus expensis et dampnis habitis et factis propter eam captionem, excepto de duobus equis amissis per eum potestatem et servientem eius de quibus non proposuit in conscilio quia ultra tenere formam capituli Montiscalerii. In quo conscilio dominus Mainfredus iudex inter cetera que consciliatus fuit consciliavit super facto captionis et redemptionis dicti domini Daniellis de Solario et super amisionibus, dampnis et expensis habitis et perceptis et factis pro se et serviente eius occasione predicta quod responsio potestati non videbatur sibi differenda esse set propter honorem civitatis unde est dictus dominus potestas et propter honorem parantele et pro honore persone sue quia facit et faciet bonum regimen Deo dante et quia ratio est quod respondeatur ei et firmetur in hoc conscilio quod comune Montiscalerii vult et tenetur ei facere restitutionem et quod fiat ei restitutio ad suam voluntatem de redemptione sua quam fecit et de omnibus damonis et expensis factis per eum et servientem eius occasione predicta et quolibet predictorum nec consulit quod comune habeat litem vel litigium propter hoc cum eo, de recuperandis vero denariis unde fiat solutio differatur conscilium et sapientes provideant et cogitent quomodo et qualiter melius et utilius habeantur denarii ad solutionem te restitutionem fieri dicti potestatis. Unde in reformatione dicti conscilii facto partito inter eos per dictum dominum Gabrielem iudicem Montiscalerii, absente dicto domino[2] Danielle potestati, placuit duabus partibus conscilii et etiam plus dictum suprascripti dicti domini Mainfredi iudicis.

Testes ibi fuerunt rogati: Bertolotus de Piro et Iohannes Maçola et Gorius de Romano et Simeon Sacus et Vercellus Canis

Ego Nicholaus Punçillonus notarius sacri palacii interfui rogatus et hanc cartam scripsi.

 

 

Serie Generale 222b -Trascrizione a cura di Luca Patria

 

(ST) Anno Domini millesimo .CCLII., inditione .X., die lune .V. exiunte octubri.

Dominus Gabriel de Pestonaga, iudex et assessor domini Daniellis de Solario tunc potestas Montiscalerii in conscilio congregato more solito per campanam, partiit conscilium super peccunia recuperanda domini Daniellis pro redemptione captionis et armorum suarum et expensarum et equorum quomodo et qualiter melius et utilius possit haberi et inveniri ad hoc ut magis velociter satisfiat dicti domini potestatis de redemptione sua et armorum et expensarum et equorum suorum et etiam cridatum conscilium per Vercellinum mandaerium per terram et locum Montiscalerii ad quem surrexit Sucius de Romano consulendo quod molandina comunis Montiscalerii debeant vendi et de venditione et precio ipsorum molandinorum fiat et debeat fieri satisfationem dicto domino potestati in omnibus que debet habere pro redemptione sua quam fecit et pro equis et armis suis de predictis et pro expensis omnibus quas fecit et hoc ad voluntatem dicti domini Daniellis potestatis et quod[1] inponatur ambaxiatoribus qui debent ire Carium ut percurrent et procurare debeant in dicta terra Carii si possent invenire ibi qui ea molandina emerent. In reformatione conscilii facto partito inter eos de conscilio[2] per dictum dominum Gabriellem iudicem placuit omnibus de conscilio nemine contradicente dictum dicti Sutii secundum quod superius consulavit.

Testes ibi fuerunt rogati: Iohannes Maçola et Iacobinus de Vairolio et Simeon Sacus.

Ego Nicholaus Punçillonus notarius sacri palacii interfui rogatus et hanc cartam scripsi.