Il podestà Presbiterio di Fonte, nella Credenza Generale di Moncalieri riunita nella (...)

Serie Generale 203 -Trascrizione a cura di LUCA PATRIA

 

(ST) Anno Domini millesimo ducentesimo .LII., indicione .X., in Montecalerio, die martis .XIII. intrante aprili.

In ecclesia Sancte Marie in credencia ad sopnum campane colecta more solito sine fraude, parabola et voluntate omnium credendariorum ibi existencium, dominus Presbiter de Fonte potestas dicti loci[1] fecit tale decretum, statutum et ordinamentum, videlicet quod Becius Marcoaldus non debeat nec teneatur nec compelli possit ad aliquam taliam solvendam, prestitum seu dacitum a comuni Montiscalerii nec ab aliquo homine nomine comunis quousque comune ei solverit libras .XXVII. secusiensium quas habere debet unde est instrumentum factum per Bergundium saccum et predictus potestas et omnes alii credendarii tam presentes credendarii et rectores quam futuri tenentur hoc decretum et capitulum ipsi Becio sacramenti vinculo observare, eo salvo quod quando dictum comune eidem Becio solverit predictum debitum cum giverdono, dampno et expensis et interesse quod tunc debeat fieri racio et computatio dacitorum, taliarum, prestitorum ab inde retro factorum et tunc tantum debeat et teneatur ipse Beccius solvere quod debuerit.

Testes ibi fuerunt rogati: Iacobus de Vayrolio et Guido de Avocato

Et ego Guillelmus Avarenus notarius rogatus interfui, hanc cartam scripsi