Mutuo di lire 57, dato da Giacomino, figlio di Giacomo Vigone di Chieri a favore di alcuni (...)

Serie Generale 201 -Trascrizione a cura di LUCA PATRIA

 

(ST) Anno domini millesimo .CCLI., indicione .VIIII., die dominico .XI. kalendas iunii.

Confessi fuerunt quisque eorum in solidum ita quod ubique conveniri possint Soç de Romano et dominus Mainfredus iudex et Carçonus Granerii, Willelmus Marchoaldus et Melanus Ducus et Franchinus de Castel et Manfredus de Merlone et Nicholaus Bergognonus et iordanus Platus et Bergondius Sacus et Manfredus Truna sese mutuo accepisse ab Ardicione Gavarro recipienti nomine et vice Iacobini filii Iacobi Vigoni de Cario libras .LVII. et .IX. denarios secusiensium, renunciantes exceptioni non recepte et non numerate pecunie, quos denarios ei predicto nomine[1] (a) vel suo certo misso per stipulationem solvere promisserunt usque ad festum sancti Martini proximum futurum et si tunc non solverint promisserunt ei dare nomine pene et interesse denarios .V. pro libra et mense dum dictos denarios tenuerint et si eo invicto solvere distulerint dampnum et expensas et mutuum et interesse quod et quas dictus creditor pro predictis denariis exigendis vel recuperandis fecerit eundo, redeundo, placitando, mutuando usuris alteri dando seu alio modo omnes ei restituere promiserunt, credendo inde in eius simplici verbo sine teste et sacramento et inde predicti debitores quisque eorum in solidum omnia sua bona dicto creditori pignori obligaverunt que illi plus placuerit unde dictus creditor plenam possit consequi solucionem, renunciantes omnes predicti debitores omni placito et omnibus legum auxiliis ecclesie et potestatis, fori privilegio et nove constitucioni qua dicitur quod ne quis ex reis conveniatur in solidum donec alter fuerit presens et solvendo et omni capitulo Montiscalerii quod facit mencionem de usuris et ita ut supra legitur actendere et observare Gullinus nuncius super animas predictorum eorum precepto iuravit supra sancta Dei euvangelia.

Testes ibi fuerunt rogati: Henricus de Valfredo et Ubertus Falavisca et Iordanus Maialis.

Et ego Symeon Sacus notarius rogatus hanc cartam scripsi.