Ricevuta rilasciata da Pietro rettore e ministro della casa di Cortevecchia in Moncalieri (...)

Serie Generale 199 - Trascrizione a cura di Luca Patria

 

(ST) Anno Domini millesimo .CCLI., inditione .VIIII., in Montecalerio, die sabati .VII. exeunte marcio.

Confessus fuit dominus Petrus rector et minister domus Curtis Vetule de Montecalerio nomine dicte domus[1] se mutuo accepisse ab Uberteto Falavisca solidos .XLVIIII. bonorum secusiensium, renunciando exceptioni non numerate pecunie, quos denarios ei vel suo certo misso per stipulationem solvere promisit usque ad sanctum Michaelem proximum venturum et si tunc non solverit de inde in antea ei dare promisit nomine pene denarios .VIII. pro libra et mense dum eos tenuerit cum mutuo et expensis inde factis a creditore vel dampno recepto mutuando, placitando, usuris alteri dando seu quolibet et alio modo credendo ei inde in suo verbo sine omni proba et sacramento, obligando inde ei omnia sua bona pignori dicte domus habita et habenda que sibi magis placuerit donec non fecerit plenam et integram ut supra legitur solutionem, renunciando omni placito ecclesie ac potestatis et omni legum auxilio, quos denarios mutuavit pro bono et utilitate dicte domus, scilicet ad emendum de grano ut dicebat.

Testes ibi fuerunt rogati: Iordanus Maialis, Palmerinus Resta

Ego Paulus Punçillonus notarius interfui rogatus et hanc cartam scripsi.