Mutuo di lire 55 dato da Ardizzone Gavarro in qualità di procuratore di Giacomo, figlio (...)

Serie Generale 197 - Trascrizione a cura di Luca Patria

 

(ST) Anno domini millesimo .CCL., indicione .VIII., die iovis .XV. kalendas iulii.

In plena credencia Montiscalerii per vocem preconis et per campanam more solito congregata confexi fuerunt taciti et contenti quisque eorum in solidum ita quod ubique conveniri possint Sucius de Romano et Iordanus Platus, nicolaus Bergognonus, Obertus Marcoaldus. Philipus Dominarum, Beç Marcoaldus, dominus Iacobus de Montefalcono, Manuel de Caburreto, Melanus Duc, Vitelmus Granerius, Iohannes Vasconus, Donatus, Bosetus de Castello, Manfredus Truna, Bovaç de Palea, Gavarus notarius, Iordanus Piperarius, Valfredus Calvus sese mutuo accepise, recepise et habuise nomine eorum et nomine et vice comunis Montiscalerii et tocius credencie ab Ardicione Gavaro procuratore Iacobi filii Iacobi Vigoni de Cario voluntate ipsius Iacobi patris sui nomine et vice ipsius Iacobi libras .LV. bonorum secusiensium, renunciantes exceptioni non recepte et non numerate pecunie et doli, mali et in factum quos denarios ei quilibet eorum in solidum eidem Ardicioni stipulanti nomine et vice dicti Iacobi dare et solvere promisserunt usque ad .V. menses proxime sine dapno et expensis dicti creditoris et si tunc non solverint promisserunt ei dare nomine pene et interesse denarios .VI. pro libra et mense cum omni mutuo, dampno et expensis quas faceret pro predictis denariis exigendis eundo, stando, placitando seu quolibet alio modo, credendo indein eius verbo sine proba et sacramento testium et inde dicti debitores omnia eorum bona et bona dicti comunis voluntate credencie pignori obligaverunt usque ad plenam solucionem dicti debiti, renunciantes omni placito et omni legum auxilio fori privilegio et nove constitucioni qua dicitur quod ne quis ex reis[1] conveniatur in solidum donec alter presens sit[2] et solvendo et omni capitulo Montiscalerii facto vel facturo quod faceret mencionem de usuris et quod non posent dicere nec probare solucionem debiti dicti esse facta per testes neque per aliquod scriptum nisi per hoc instrumentum reditum incissum, quam pecuniam dicti debitores confexi fuerunt in utilitatem comunis processise et specialiter in solucionem expensarum militum qui iverunt in servicium comunis Astensis. Que omnia Butus nuncius comunis atendere et observare voluntate credencie et predictorum debitorum super animas ipsorum supra sancta Dei euvangelia libro eciam corporaliter tacto iuravit

Testes ibi fuerunt rogati: Henrionus de Gualfredo, Bergundius Sacus, Gorius de Romano, Iohannes de Gualfredo, Nicholaus Punçillonus.

Ego Matheus Piperarius hanc cartam rogatus scripsi.