Mutuo di 119 lire segusine o viennesi dato da Guglielmo Alessandri, figlio di Pietro, (...)

Serie Generale 196 - Trascrizione a cura di Luca Patria

 

(ST) Anno dominice nativitatis millesimo .CCXLVIIII., die martis .VIIII. kalendas decembris, indicione .VII., presentibus testibus infrascriptis.

Dominus Iohannes Marcohaldus, Suçius de Romano, Iordanus Platus, Beçius Marcohaldus, Nicholaus Bergognonus, Iohannes Vasconus, Carçonus Granerius, Franchinus de Castello, Donatus Peolotus, Valfredus Calvus, Melanus Duccus, Artonus Beccarius, Iordanus Pevererius omnes de Montecalerio, promiserunt per stipulationem obligando pignori omnia eorum bona habita et habenda ita quod quilibet illorum in solidum et ubique teneatur et conveniri possit, renunciando fori privilegio et illi legi qua dicitur quod nequis in solidum conveniatur donec alter presens sit et solvendo et omni alii iuri speciali et comuni quo se vel eorum bona tueri possent, dare et solvere in pace et sine placito et sine peticione libelli in civitate Taurini Guillelmo Alexandri filio domini Petri Alexandris civi Taurinensi vel suo certo misso hinc ad annum unum proxime completum libras centum et .XVIIII. bonorum secusiensium vel viennensium, quos denarios confessi fuerunt ab eo de pura sorte sine aliquo conventu mutui habuisse et recepisse, renunciantes exceptioni non habite et non recepte pecunie et omni spei future numerationis et exceptioni doli, mali in factum et omni alii exceptioni et omnes expensarum missiones et dampnum et interesse que et quas dictus creditor vel eius missus fecerit vel habuerit termino preterito pro istis denariis exigendis et recuperandis, placito, mutuo, eundo, redeundo, stando, mutuum transmittendo in iudicio vel extra iudicium, tribuendo iudicaturas vel advocatum conducendo seu aliquo alio modo dispendium faciendo vel dampnum sustinendo ei predicti debitores quilibet in solidum sub obligatione premissa restituere promiserunt precise in denariis numeratis seu factis credendo in suo solo et nudo verbo de omnibus dampnis et expensis et interesse sine teste et sacramento, renunciantes omni testium producioni de aliqua solucione huius debiti facta in toto vel in parte absque hoc instrumento inciso vel alio de pace et fine iuste et legaliter facto per bonum et publicum notarium et legalem et bone fame et sicut superius legitur attendere et observare et predictos denarios omnes ad predictum terminum solvere iamscripto creditori vel suo certo misso vel[1] venire in obstagium in civitate Taurini et ibi obstagium observare et non se removere absque parabola suprascripti creditoris donec sibi de predicto debito cum dampnis et expensis et interesse sit plenarie et integraliter satisfactum Beçius Marcohaldus predictus pro se et pro predictis omnibus excepto domino Iohanne Marcohaldo predicto qui in obstagio non tenetur eorum precepto et mandato et in eorum animas ad sacta Dei euvangelia iuravit.

Actum est hoc in Montecalerio, in porticu comunis ipsius loci.

Interfuerunt testes rogati et vocati: dominus Albertus de Peylorguerris iudex, Nicholetus de Romano, Ardicio Gavarri, Bertholotus de Pyro, Iacobus Pevererius.

Et ego Bonusiohannes Silvester notarius interfui et hanc cartam rogatus ut supra tradavi et scripsi.