In Rivoli, Giordano Zostra, o Giostra, Guglielmo Capra, Giacomo Balzano, tutti di Rivoli, (...)

Serie Generale 195 - Trascrizione a cura di Luca Patria

 

(ST) Anno Domini millesimo .CC°. quadragesimo nono, die lune .XVIII. octubris, .VII. indicione. In presencia domini Iacobi de Sancta Fide iudicis et Uberti de sancta Brigida et Rufini Arpini et aliorum testium, dominus Iordanus Zostra et Guillelmus Capra et Iacobus Balzanus omnes de Ripolis promiserunt per stipulationem quilibet eorum omnia bona sua pignori obligando habita vel habenda ita quod quisque pro tercia teneatur et possit ibicumque et sub quolibet iudice conveniri, fori privilegio et omnium legum auxilio quo sese tueri possent contra predicta renunciando, domino Humberto de Monte Meliano, Avillanie castellano, recipienti dictam promissionem vice et nomine illustris viri domini Thome de Sabaudia comitis et sacri imperii a Papia superius vicarii generalis, reddere et consignare ipsi domino comiti vel eius certo nuntio quandocumque voluerit vel inde requisiti fuerint Henricum Constantini in Taurino sub pena librarum .L. secusiensium novorum, hoc salvo quod unus de nunciis domini comitis ipsum Henricum associet ne offendi poset a suis abversariis et hiis qui sunt de parte domini comitis supradicti, tali modo, pacto pariter et racione quod dictus Henricus quousque in manulevatione fuerit damnum vel incommodum domini comitis non perquireret quod si faceret penam predictam predicti dominus Iordanus et Guillelmus Capra et Iacobus Balzanus versus dictum comitem se noverint incurrisse et eamdem solvere ut dictum est promiserunt et in manulevancia est tantum per triennium duratura.

Actum in Ripoli in domo Rufini Alpinne[1]

Et ego Guillelmus Marincorsius imperialis notarius hiis interfui et hanc manulevancie cartam scripsi rogatu omnium predictorum

(ST)