Mutuo di lire segusine 6 da Benso Marcoaldo a favore di Giovanni Vascono (18 agosto).

Serie Generale 186

 

(ST) Anno Domini millesimo .CCXLVIIII., inditione .VI., in Montecalerio, die martis .XV. kalendas septembris. Fuit confessus Iohannes Vasconus se mutuo accepisse a Beçio Marcoaldo libras sex secusiensium, renunciandos exceptioni non numerate pecunie, quos denarios ei vel suo certo misso per stipulationem solvere promiserit usque ad tres menses proxime venientes et si tunc non solverit promisit ei inde dare nomine pene denarios .VIII. pro libra et mense donec eos tenuerit cum omni mutuo, dampno et expensis inde factis a creditore pro predictis denariis exigendis et recuperandis placito, mutuo seu alio modo, credendo ei inde in suo verbo sine omni proba et sacramento et inde obligaverunt ei pignori omnia eorum bona que sibi magis placuerint usque ad plenam ut supra legitur solutionem, omni placito et nove constitutioni de pluribus reis debendi et omnibus legum auxiliis renunciando.

Testes ibi fuerunt rogati: Ubertus Marcoaldus, Iohanninus Puncillonus, Iacobus Engana et alii.

Et ego Bergundius Saccus notarius hanc cartam rogatus scripsi