Riconoscimento di un debito da parte del Comune di Moncalieri, rappresentato dal giudice (...)

Serie Generale 185

 

(ST) Anno Domini millesimo .CCXLVIII., indicione .VI., in Montecalerio, die veneris .VIIII. kalendas agusti. Fuit confessus dominus Girardus Iosbertus iudex comunis Montiscalerii nomine comunis predicti et voluntate credencie per campanam more solito congregatam se debere dare Manfredo qui dicitur Laurençeto libras quatuor et solidos .III. secusiensium bonorum pro restitutione sue vinee que sibi incissa et devastata furtive fuit estimata per Iacobum Platum et per Obertum Foranum ad hoc per officiales electos, quos denarios dictus iudex nomine comunis iam dicti predicto Manfredo solvere promisit per stipulationem, omnia bona dicti comunis ipsi pignori obligando, renunciando omni placito et omni legis auxilio.

Testes ibi fuerunt rogati: Bertulinus Euardus, Obertus de Castanea.

Ego Ardicio notarius rogatus interfui et scripsi.