Mutuo di lire 16, soldi 2, denari 6, dato da Benso Marcoaldo, di Moncalieri, a favore di (...)

Serie Generale 184

 

(ST) Anno Domini millesimo .CCXLVIIII., inditione .VI (a), in Montecalerio, die lune primo intrante iunio. Fuerunt confessi quilibet eorum in solidum Carçonus Granerius et Bosetus de Castro se mutuo accepisse a Beçio Marcoaldo recipienti nomine Iacobini nepotis sui filii quondam Vidonis Marcoaldi libras .XVI. et solidos .II. et denarios .VI., renunciantes exceptioni non numerate pecunie, quos denarios ei vel suo certo misso per stipulationem solvere promiserunt usque ad tres menses proxime venientes et si tunc non solverint promiserunt ei inde dare nomine pene scilicet denarios .VI. pro una quaque libra omni mense donec eos tenuerint cum omni mutuo, dampno et expensis inde factis a creditore pro predictis denariis exigendis et recuperandis placito, mutuo seu alio modo, credendo inde ei in suo verbo sine omni proba et sacramento et inde obligaverunt ei pignori omnia eorum bona que sibi magis placuerint usque ad plenam ut supra legitur solutionem, omni placito et nove constitutioni de pluribus reis debendi et omnibus legum auxiliis renunciando.

Testes ibi fuerunt rogati: Ubertus Marcoaldus, Iohanninus Puncillonus, Iacobus Engana et alii.

Et ego Bergundius Saccus notarius hanc cartam rogatus scripsi