Mutuo di lire segusine 4 dato da Nicoletto de Romano a favore del Comune dei Moncalieri in (...)

Serie Generale 183

 

(ST) Anno Domini milesimo .CCXLVIIII., inditione .VI, in Montecalerio, die martis .XII. intrante madio. Fuerunt confessi quilibet eorum in solidum dominus Conradus Trova Mala vicarius in Montecalerio et Garuninus de Romano se mutuo accepisse a Nicoleto de Romano libras .IIII. bonorum secusiensium, renunciantes exceptioni non numerate pecunie,quos denarios ei vel suo certo misso per stipulationem solvere promiserunt usque ad unum mensem et si tunc non solverint promiserunt ei dare nomine pene scilicet obolum omni mense et cum omni mutuo et expensis inde factis a creditore vel dampno et interesse recepto eum credendo inde in eius verbo sine omni proba et sacramento et inde ipsi debitores omnia eorum bona ipsi creditori pignori obligaverunt que sibi magis placuerit usque ad plenam et integram ut supra legitur solutionem ita ut ubicumque conveniri possit, renunciantes omni placito et omni legum auxilio et nove constitutioni qua dicitur quod ne quis ex reis conveniatur in solidum donec alter fuerit presens.

Testes ibi fuerunt rogati: dominus Girardus Iosbertus iudex comunis Montiscalerii et Ardicio de Gavarro.

Et ego Bertolinus Eurardus notarius sacri palacii hanc cartam rogatus interfui et scripsi