Dispensa ad Antonio fu Desperio dal prestare servizio nella milizia con facoltà di (...)

Serie Generale 178

 

(ST) Anno Domini millesimo .CCXLVII., inditione quinta, die iovis .VIII. kalendas agusti. Dominus Ruffinus Sapa iudex communis Montiscalerii pro bono atque utilitate dicti comunis et conscilio plurium sapientum ut dicebat absolvit Anthonium filium condam Disperii a milicia cum expectantibus ad ipsum quam recipere de sumptibus suis debebat pro comuni, dando ei licenciam ad hodie in antea vendendi equum et arma et pro rata temporis preteriti salvus sit ius ipso Anthonio in salario constituto.

Testes ibi fuerunt rogati: dominus Mainfredus iudex et Villelmus Avarenus et Ubertus Papalardus.

Ego Nicholaus Punçillonus notarius sacri palacii hanc cartam abreviatam per Bertulinum longum condam notarius qui morte preventus adimplere non potuerit, id circo precepto domini Ruffini Sape iudicis montiscalerii scripsi et complevi.