Mutuo di lire segusine 120 dato da Ruffino Vignola di Chieri a favore del Comune di (...)

Serie Generale 169

 

(ST) Anno Domini millesimo .CCXLVI., inditione .IIII., in Montecalerio, die veneris .VI. intrante aprili. In plena credencia Montiscalerii more solito et voce preconia collecta dominus Matheus Marencus, iudex domini Riçardi Filangerii potestatis Montiscalerii et vicarii imperialis, et universi et singuli credendarii qui erant in dicta credencia quorum nomina supter leguntur et vice tocius universitatis et comunis Montiscalerii fuerunt confessi se habuisse et recepisse ex causa mutui de pura sorte a rufino Vignola de cario libras centum et viginti secusiensium bonorum, renunciantes exceptioni non numerate pecunie et minorum privilegio et omni allii exceptioni profitentes et asserentes predictam pecuniam fore versam et durase versam et expensam in utilitatem et pro utilitate dicti comunis nominatim pro solvendis stipendis et salariis militibus eiusdem loci qui tenebant equos et tenere debebant pro servicio domini imperatoris nec aliunde comodius poterat dicta universitas pecuniam recuperare ad faciendum solucionem militibus pro feudo equorum suorum, quos denarios per stipulationem promisserunt nomine et a parte dicti comunis redere et solvere eidem creditori vel suis heredibus usque annum unum proximum de inde vero in antea quamvis alongamentum haberent ab ipso creditore tamen promiserunt per sstipulationem eidem solvere nomine usurarum denarios quatuor singulis mensibus pro unaquaque libra et in super dampnum et expensas, mutuum et interesse quas et quod faceret aut sustineret pro iam dicta pecunia recuperanda iudicio vel extra, mutuo vel cambio vel quolibet alio modo suum expendendo credendo eis de expensis et interesse in suo verbo simplici sine testibus et sacramento pro quibus omnibus et singulis observandis obligaverunt pignori dicto nomine omnia bona dicti comunis et specialiter molandina et reditus eorundem nonobstante sibi specialis pignoris obligatione in aliis bonis, ea condicione et pacto quod custodes et superstos molandinorum qui pro tempora fuerint debeant colligere fructus et godias molandinorum et eos coadunare et conservare nomine dicti creditoris a termino anali in antea quousque habuerit ad suam voluntatem integram satisfacionem tocius sortis, usurarum et expensarum et interesse, adito et expresso ex certa scientia quod aliquod capitulum in statuto Montiscalerii scriptum vel scribendum faciens mencionem de usuris vel de molandinis non obligandis seu aliud quod possit sibi nocere locum non habeat contra ipsum sed cassum est ex nunc quantum ad istum contractum ita quod nulli persone absque voluntate dicti Rufini possint vel debeant dari vel expendi fructus dictorum molandinorum nisi forsam pro refectione eorum donec habuerit solucionem integraliter ut dictum est. Et pro inde in omnem causam fideiussores et principales debitores se constituerunt Iacobus de Trofarello, Nicolaus Bergognonus, Soç de Romano, Gorius frater condam domini Castanei, Iordanus Platus, Melanus Duc, Iohannes Vasconus, Albricus Truna, dominus Mainfredus iudex, Odinus Binellus, Filipus de Romano qui dicitur Usura, Iacobus Vagnonus, Pisas de Trofarello qui promiserunt per stipulationem et in solidum sub obligatione et ypoteca bonorum suorum solvere et atendere omnia supradicta conventa, renunciato ab eis in hoc facto nove constitutioni qua dicitur quod principalis debitor et cetera et alii nove constitutioni de pluribus reis et epistule divi Adriani, fori privilegio et omnibus legum auxiliis et specialiter illi statuto vel capitulo per quod se posset deffendere fideiussor etiam si se principalem constituerit debitorem, concedentes insuper eidem creditori vel heredibus licenciam et potestatem capiendi de bonis ipsorum usque ad integram satisfactionem sua auctoritate post terminum absque metu et pena alicius legis vel constitucionis que puniat violentos vel creditores que ocupant bona debitorum suorum sua auctoritate nec per iudicem repossentes que omnia in singulis capitulis observare et atendere et nullo tempore vel causa aliqua contravenire promiserunt et Obertus de Castanea nuncius comunis voluntate et precepto ipsorum supra sancta Evangelia corporaliter iuravit.

Nomina vero credendariorum sunt hec: Iohannes Maialis, Fredericus de Calpice, Franchinus de Castello, Odinus Binellus, Obertus Papalardus, Filipus Dominarum, Melanus Duc, Nicolaus Bergognonus, Garunnus, Vitelminus Granerius, Iohannes Vasconus, dominus Mainfredus iudex, Çonus de Calpice, Iacobus Piperarius, Iachinus Platus, Henrionus notarius, Gorius de Romano, Iacobus de Trofarello, dominus Rufinus de Montafia, Soç de Romano, Iacobus de Montefalcono, Iordanus Platus, Albricus Truna, Ubertus Sac, Iohannes Maçola et preceptum est istud instrumentum fieri et ditari ad conscilium sapientis.

Testes ibi fuerunt rogati: Merletus filius Villelmi Centoris de Cario, Abitator nuncius comunis, Vercelinus nuncius comunis, Galinus nuncius comunis.

Ego Ardicio Ardicio sacri palacii notarius rogatus interfui et scripsi.