Mutuo di 20 lire segusine vecchie e nuove dato da Guglielmo Aicardo di Baldissero a nome (...)

Serie Generale 168

 

(ST) Anno Domini millesimo .CCXLV., inditione tercia, in Montecalerio, die sabati .XI. intrante novembri. Confessi fuerunt quilibet illorum in solidum Iacobus de Montefalcono, Iohannes Marchooaldus, Melanus Duchus et Filiponus de romano qui Ussuras dicitur, omnes de montecalerio, se mutuo accepisse a Guillelmo Aicardo de Baudisseto suo nomine et fratrum suorum et nepotum filiorum condam Otonis fratris sui libras .XX. bonorum secusiensium veterum aut novorum secundum quod currunt et currerint, renunciantes exceptioni non accepte et non numerate peccunie. Quos denarios per stipulationem ei pro se et dicto nomine solvere promisserunt cum lucro denariorum quinque pro libra singulis mensibus donec eos tenuerint. Et si eis invitis solvere distullerint mutuum, dampnum atque expensas et interesse que vel quas dicti creditores fecerint vel habuerint pro iamdictis denariis exigendis vel recuperandis eundo, redeundo, placito, mutuo seu quolibet alio modo suum expendendo vel dampnificando dicti debitores ei in solidum et in imperpetuum restituere promisserunt, credentes eis inde inde in eorum simplici verbo sine omni proba et pro his omnibus observandis dicti debitores in ssolidum ipsi creditori obligaverunt pignori recipienti pro se e dicto nomine omnia eorum bona ei plus grata usque ad integram solucionem. Renunciantes ab eis in hoc facto omni placito et omni legum auxilio et nove constitutioni qua dicitur qua nequis ex reis conveniatur in solidum donec alter presens sit et solvendo et fori privilegio ita ut ubique terrarum in solidum conveniri possit et omni ccapitulo et iuri sibi competenti et denunciandi atque omni peticioni libelli et alterius fuge omnibusque aliis legum auxiliis pro se se facientibus in hoc facto.

Testes ibi fuerunt rogati: Iohannes de Serra, Gorius de Romano clavarii, Bergundius Sachus

Et ego Palmerius sacri palacii notarius rogatus interfui et hanc cartam scripsi.