Nella generale Credenza di Moncalieri, Guglielmo Liberello, giudice del podestà Ferrario (...)

Serie Generale 166

 

(ST) Anno Domini millesimo .CCXLV., inditione tercia, in Montecalerio die iovis sexto intrante octubrio. Dominus Guillelmus Liberellus iudex domini Ferarii Canis potestatis Montiscalerii, nomine ipsius comunis et conscilio et voluntate tocius credencie Montiscalerii cohadunate more solito ad sonitum campane et ipsi credenciarii fecerunt, cconstituerunt et ordinaverunt prout melius de iure fieri potest Peraçium de Romano et Iohannem Vasconum de Montecalerio eorum certos nuncios et divissores pro ipso comuni Montiscalerii et nomine ipsius comunis de illa divissione quam ipsum comune facere statuit cum dominis de Caburreto scilicet cum dominis Guillelmo et Iohanne Silis eisque Peracio et Iohanni Vascono totam vim de predicta divissione facienda dederint pro ipso comuni ut predictum est. Hoc est de pascuo Mairani dividendo inter ipsum comune et predictos dominos quod iacet inter Podum et vineam predicti Iohannis Vasconis. Tali modo quod predictam divissionem facere possint et debeant secundum quod eis videbitur fore faciendam ad utilitatem ambarum parcium et comunales divissores et concordatores eligere si de hoc non poterint concordare cum aliis duobus divissoribus electis a predictis dominis, promittendo dictus iudex nomine dicti comunis et conscilio credencie supradicte et ipsi credenciarii habere firmum et ratum omni tempori quicquid ipsi fecerint de omnibus predictis ac si totum comune seu credencia predicta fecisset.

Testes ibi fuerunt rogati: Suçius de Romano, Bergundius Saccus et Gorius.

Et ego Palmerius sacri palacii et ipsius comunis notarius rogatus interfui et scripsi.