Mutuo di lire 60 segusine vecchie e nuove dato da Fulchero (Folgore) di Scalenghe, a (...)

Serie Generale 163

 

(ST) Anno Domini millesimo .CCXLIIII., indicione secunda, in Montecalerio, die mercurii primo die iunii. Confessus fuit dominus Opicio de Lomello, iudex domini Valterii de Curte potestatis Montiscalerii nomine ipsius comunis Montiscalerii et conscilio et voluntate tocius credencie loci eiusdem cohadunate more solito ad sonitum campane et ipsi credenciarii quorum nomina inferius scripta sunt se mutuo accepisse a domino Otone Fulçero de Scalengis libras .LX. bonorum secusiensium veterum et novorum comuniter secundum quod nunc currunt per Montecalerium, renunciantes exceptioni non accepte pecunie. Quos denarios per stipulationem ei vel suo certo misso solvere promisserunt de mense in mense cum voluerit dictus dominus Otto cum lucro denariorum .IIII. pro libra et mense donec eos tenuerint sicut alii scilicet Sanço de Comuviana ita dare tenetur dictus dominus Otto sicut dicit. Et si eo invito solvere distulerint mutuum, expensas atque dampnum que vel quas dictus creditor fecerit vel habuerit pro iamdictis denariis exigendis vel recuperandis placitando, mutuando, eundo, redeundo ussuras alteri dando seu quolibet alio modo dictus iudex nomine ipsius comunis et voluntate iamdicte credencie et ipsi credendarii ei in imperpetuum restituere promisserunt, credendo inde ei in suo verbo sine omni proba, inde obligando ei pignori omnia bona ipsius comunis et specialiter reditus et proventus molandinorum ipsius comunis in quibus habeat regressum dictus creditor usque ad completam solucionem, renunciantes ab eis in hoc facto omni placito et omni legum auxilio et nove constitucioni et omni iuri alii sibi in hoc facto competenti. Dicentes dicti iudex et credenciarii hoc fecisse ad utilitatem ipsius comunis videlicet ad solvendum soldatarios ipsius comunis quos pergere cras debent in servicio comunis de Ast ad vastum Albe. Credenciarii vero qui interfuerunt ad hoc mutuum faciendum sunt isti, scilicet Iohannes Marchoaldus, Iacobus de Montefalcono, Peraçius de Romano, Papalardus, Maçola, Gorius de Romano, Iordanus Platus, Bergundius de Romano, Iordanus de Troffarello, Iacobus de Troffarello, Rubetus Barachinus, Iohannes Maialis, Ubertus Marchoaldus, Beçius Marchoaldus, Albricus Marchoaldus, Albricus Trunna, Carçonus Granerius, Vitelmus Graner, Mainfredus Trunna, dominus Mainfredus iudex, Ubertus Sacus, Bergundius Saccus, Iohannes de Valfredo, Odinus Binel, Henrionus notarius, Melanus Ducus, Bosso de Castro, Franchinus de Castro, Guillelmus de Piro, Guidotus Remigous, Guillelmus de Helena, Ramaçius, Valfredus Calvus, Filipus Dominarum, Ubertus Bauduinus, Manoel, Gavarus notarius, Obertus Pixanus, Petrus de Panicera, Nicholaus Bergognonus, Donatus, Arronus, Iacobus de Selberico, Iohannes de Sera, Otto Bonafantus.

Testes ibi fuerunt rogati: Çonus de Calpice, Ubertus Romagnanus, Bertulinus Eurardus et plures alii.

Et ego Palmerius sacri palacii notarius rogatus interfui et hanc cartam scripsi.