Mutuo di 20 lire segusine vecchie dato da Abalisseta, nipote di Giovanni Mazola e vedova (...)

Serie Generale 162

 

(ST) Anno Domini millesimo .CCXLIIII., inditione secunda, in Montecalerio, die lune tercio kalendas iunii. Confessus fuit dominus Opiçio de Lomello iudex domini Valterii de Curte potestatis Montiscalerii nomine ipsius comunis Montiscalerii et conscilio et voluntate credentie loci eiusdem quod Iohannes Marchoaldus, Iacobus de Montefalcono et Gavarrus notarius mutuo receperunt ab Alisseta nepte Iohannis Maçole uxore condam Maffoudi pro comuni predicto et ad opus dicti comunis et voluntate eiusdem videlicet ad solvendos soldatarios dicti comunis qui iverant ob viam nostris militibus et servientibus qui fuerant pro comuni Taurini et Pinairolii servicio in prelio Bergognorum apud Marssaliam libras .XX. bonorum secusinorum veterum unde est instrumentum per me Palmerium infrascriptum notarium hodie compositum. De quo debito tam sortis quam expensarum et dampnorum dictus iudex nomine ipsius comunis et conscilio iamdicte credentie promissit per stipulationem dictis Iohanni, Iacobo et Gavaro eos inde trahere et deliberare indempnes sub obligatione bonorum dicti comunis. Renunciantes omni placito et omni legum auxilio et omni iuri alii pro se facienti in hoc facto.

Testes ibi fuerunt rogati: Ubertus Romagnanus, Bertulinus Ourardus et plures alii.

Et ego Palmerius sacri palatii notarius rogatus interfui et hanc cartam scripsi.