Mutuo di lire 40 segusine nuove, con interesse di denari 4 per ogni lira ogni mese, dato (...)

Trascrizione a cura di Luca Patria
Serie Generale 161

 

(ST) Anno Domini millesimo .CCXLIIII., inditione secunda, in Montecalerio die martis .VIIII. kalendas iunii. Confessus fuit dominus Opicio de Lomello, iudex domini Valterii de Curte potestatis Montiscalerii, nomine ipsius comunis Montiscalerii et conscilio et voluntate credencie ipsius loci cohadunate more solito ad sonitum campane et ipsi credenciarii, quorum nomina inferius scripta sunt, se mutuo accepisse a Valfredo Calvo, vice et nomine Alberti fratris sui libras .XL. bonorum secusinorum novorum quos confessi sunt habuisse et recepisse ad utilitatem dicti comunis scilicet ad solvendos soldatarios qui pro ipso comuni pergere debebant Pinairolium ad servicium comunis Taurini et comunis Pinairolii. Quos denarios per stipulationem ei vel suo certo misso solvere promisserunt cum lucro denariorum quatuor pro libra et mense donec eos tenuerint. Et si eo invito solvere distulerint mutuum, expensas atque dampnum que vel quas dictus creditor fecerit vel habuerit pro iamdictis denariis exigendis vel recuperandis eundo, redeundo, placito, mutuo seu pro pignore capiendo an aliter dictus iudex nomine ipsius comunis et ipsi credenciarii dicto Valfredo dicto nomine sive ipsi Alberto in imperpetuum restituere promisserunt credendo eis de predictis dampnis, expensis et mutuo in suo verbo sine omni proba. Et inde Iohannes Marchoaldus, Iacobus de Montefalcono, Ruffinus de Montafia, Gavarus notarius, Cattonus Granerius, Iohannes Vasconus, Melanus Ducus et Nicholetus iudex, quilibet in solidum fideiussores et principales debitores se constituerunt, obligando inde dictus iudex et credentiarii nomine ipsius comunis et ipsi fideiussores ei pignori omnia bona ipsius comunis et sua sibi dicto nomine magis grata et specialiter redditus et proventus molandinorum Montiscalerii usque ad plenam et integram solutionem, dantes ipsi Valfredo dicto nomine licenciam et absoltum ut sua auctoritate pignus inde capiat si de predicto debito non fuerit ei satisfactum ut supra. Renunciantes ab eis in hoc facto omni placito et omni legum auxilio et ambabus novis constitucionibus una quarum dicitur quod principalis debitor et cetera, alia que dicitur quod nequis ex reis conveniatur in solutum donec alter presens sit et solvendo et epistule divi Adriani et omni exceptioni pecunie non accepte et omni alii iuri. Predictus vero iudex et credenciarii nomine ipsius comunis promisserunt ipsis fideiussoribus inde indempnem trahere sub obligatione omnium bonorum ipsius comunis. Nomina vero credendariorum qui ad hoc mutuum faciendum sunt hec, scilicet dominus Mainfredus iudex, Iordanus Platus, Vido Marchoaldus, Iacobus de Selberico, Albricus Trunna, Ubertus Foranus, Vido Deca, Iohannes de Valfredo, Odinus Benelius, Feia, Petrus de Panicera, Franchinus de Castro, Artonus Berbarius, Fidus de Caburreto, Bosso de Castro, Bergundius Sacus, Otto Bonafantus, Guillelmus de Piro, Donatus Pogolotus, Iacobus Pixanus, Petrus Magnanus, Papalardus, magister Vaçius, Iohanes Maçola, Mainfredus Merlonis, Mainfredus Trunna, Iacobus Piperarius, Ferandus, Peraçius de Romano, Gorius de Romano, Beçius Marchoaldus, Çonus de Calpice et Ubertus Romagnanus.

Testes ibi fuerunt rogati: Bertulinus Ourard habitator et Obertus de la Castagna nuncii ipsius comunis.

Et ego Palmerius sacri palacii notarius rogatus interfui et hanc cartam scripsi.