Mutuo di lire 35 segusine nuove dato da Benzo Marcoaldo e Palmerio, notaio, con interesse (...)

Trascrizione a cura di Luca Patria

Serie Generale 160

 

(ST) Anno Domini millesimo .CCXLIIII., indicione .II., in Montecalerio, die lune .XIIII., intrante marcio. Confessus fuit dominus Opicio de Lomello, iudex comunis Montis Calerii, nomine dicti comunis et ipsi credenciarii universi et conscilio credencie tocius vel maioris partis per campanam more solito congregate, se mutuo accepisse a Beçio Marcoaldo et Palmerio notario libras .XXXV. bonorum secusinorum novorum, renunciando exceptioni non numerate pecunie, quos denarios dictus iudex nomine dicti comunis et ipsi credenciarii eis vel eorum certo misso per stipulationem solvere promiserunt cum lucro denariorum quatuor pro unaquaque libra omni mense donec eos tenuerint cum omni mutuo, dampno, interesse et expensis inde factis a creditoribus pro predictis denariis exigendis et recuperandis placito, mutuo seu alio modo credendo eis inde in eorum verbo sine omni proba et sacramento. Et inde obligaverunt eis pignori omnia bona predicti communis et specialiter laudaverunt redditus et proventus molandinorum de quibus nunc sunt superstites, quos redditus et proventus habeant et percipiant et sibi satisfaciant et de quibus non possint removeri donec soluti fuerint, non obstante aliquo capitulo quod loquatur de usuris vel molandinis non obligandis, de quibus capitulis dictum iudicem credentia absolvit et hos denarios confitebantur mutuo accepisse ab aliis pro comuni ad solvendum missiones que fuerunt promisse[1] pro deestruendis Iohannetum et Ubertinum Maietum qui interfecerunt dominum Iohannem de Allexandria preceptorem mansionis Templi, renunciantes nove constitutioni et omnibus legum auxiliis.

Testes ibi fuerunt rogati: Albrionus Marcoaldus et Iohanninus Truna

Et ego Bergundius Saccus notarius hanc cartam rogatus scripsi